anaouder 0.7.8

Breton language speech-to-text tools

Anaouder mouezh e brezhoneg gant Vosk

Version française

Petra eo ?

Un anaouder mouezh emgefre, graet gant ar meziantoù Kaldi ha Vosk.
Gantañ e c'heller adskrivañ komzoù e brezhoneg (Son -> Skrid) en un doare emgefre, dre ur mikro e amzer real pe diouzh restroù son.
Pleustret eo bet gant un dek eurvezh bennak a deulioù son ha skrid linennet.

Un nebeut perzhioù dedennus :

• Skañv. Pouezh ar model a zo dindan 100 Mo ha treiñ a ra war ur bern mekanikoù : urzhiataerioù hep GPU, RaspberryPi, hezoug Android...
• Prim. Gallout a reer adskrivañ ar son e amzer real, memes gant un urzhiataer kozh, pe primoc'h c'hoazh gant dafar nevesoc'h.
• Lec'hel. Ezhomm ebet eus an Internet. Ho mouezh hag ho data a chomo war ho penveg, ha tretet e vint gant ho penveg nemetken. Kudenn surentez ebet liammet d'an treuzkas dre rouedad ha gwelloc'h a-fed ekologel.
• Digoust ha dieub. Gellout a reoc'h azasaat ar meziant d'hoc'h ezhommoù pe enframmañ anezhañ e meziantoù all.

Dalc'hoù 'zo siwazh :

• Poentadur ebet.
• Kizidig d'an trouzioù endro.
• Fall war ur bern pouezioù-mouezh c'hoazh.
• Ret eo komz sklaer ha goustadik.

Emichañs e vo gwellaet efedusted an anaouder tamm-ha-tamm, gant ma vo kavet roadennoù mouezh adskrivet.
Ul lisañs dieub (doare Creative Commons) a aotrefe eskemm ar roadennoù-se en un doare aes.

Sikour ar raktres gant un donezon :

Staliañ

Goude bezañ bet staliet Python3 e c'heller staliañ an anaouder dre an terminal :

pip install anaouder

Adskrivañ ur restr son

Gant an urzh adskrivan en un terminal, e vo adskrivet ar pezh e vez komprenet gant an anaouder diouzh ur restr son. Ar wech kentañ ma vo peurgaset an urzh-se e vo ret deoc'h gortoz ur pennadig ma vefe pellkarget ha staliet ar modul static_ffmpeg (evit amdreiñ restroù son ha video).

adskrivan RESTR_SON_PE_VIDEO

Implijout gant ur mikro

Dre an an urzh mikro e c'heller implij an anaouder gant ho vouezh e amzer real.

Ma n'ez eus skrid ebet o tont, klaskit niverenn an etrefas son gant :

mikro -l

Ha gant an niverenn-se :

mikro -d NIVERENN_ETREFAS

Linennañ ur teul skrid gant un teul son

M'ho peus un teul skrid adskrivet dre dorn (e stumm .txt) e c'heller linennañ ar skrid gant ar son, evit krouiñ ur restr istitloù (e stumm srt).

linennan RESTR_SON_PE_VIDEO RESTR_SKRID

Gant an option -o ez eus tu reiñ anv ur restr e lerc'h ma vo skrivet an istitloù, da skouer :

linennan son.mp3 skrid.txt -o istitloù.srt

Adskrivañ istitloù evit ur video

Gallout a rit adskrivañ istitloù diouzh teuliadoù son pe video, e stumm srt (Subrip).

istitlan RESTR_SON_PE_VIDEO

An oberiadur-se a gemero kalzig a amzer (hervez padelezh an teuliad son). Klaskit gant un teul film berr da gentañ !

https://user-images.githubusercontent.com/10166907/213805292-63becbe2-ffb5-492f-9bac-1330c4b2d07d.mp4

Setu disoc'h an istitloù emgefre, hep cheñch netra. Kollet eo buan pa vez sonnerez...

Implijout e diabarzh meziantoù all

N'eo ket aliet dre ma vez kollet un nebeut perzhioù e-keñver ar pezh vez graet gant ar modul anaouder : adlakaat ar varennigoù-stag hag amdreiñ an niverennoù da skouer.

Ar model noazh a c'hellit kavout en dosser anaouder/models pe dre al liamm releases.

Kdenlive

Gant ar meziant frammañ videoioù Kdenlive e c'heller adskrivañ istitloù en un doare emgefre ivez.
Ar mod-implij a c'heller kavout amañ.